विष्णु शर्मा
बिल गेट्स भन्छन्, –‘जब व्यवस्था असफल हुन्छ तब, भाग्यको खेल सुरु हुन्छ ।’ म यहाँ फोब्र्स अर्बपतिको भनाई किन सापटी लिँदै छु भने २ घन्टा २० मिनेट लामो सिनेमा ‘फिटकिरी’ हेरेर म यही निष्कर्षमा पुगेको छु । सहरमा भाग्यको खेल सुरु भएको छ र त्यो भाग्यले उत्पादन गरेको ‘सफोकेसन’ काठमाडौंको यथार्थ बनेको छ । सहर यतिबेला ‘सफोकेसन’ बाँच्दैछ । अनुप बराल निर्देशित ‘फिटकिरी’ले सहरी विक्षिप्त मनोविज्ञानको कथा भन्छ । त्यो कथामा तीन रङ पोतिएका छन् –रातो, नीलो र हरियो ।
